BE.144 Logu no.104
NA HOT PADANKU

Ayat 1
Na hot padanku tu Jahowa, Binaen ni Jesus Tuhanki
Ai hutadingkon do na roa Hujalo pandidion i
Sai las rohangku ala ni Salelengni lelengna i

Ayat 2
Diparulosi Debatangku Tondingku na marjea i
Paboa sae sude dosangku Au hinaholonganNa i.
Sai las rohangku ala ni Salelengni lelengna i

Ayat 3
Ianggo ulos ni tondingku Tung mudar ni Jesusku do i
Do nilehon ni Tuhanku Mamuri ahu dohot ho
Sai las rohangku ala ni Salelengni lelengna i

Ayat 4
Disuru Debata Jahowa TondiNa, mangajari au
Mangalo sasude na roa Huhut pabadiahon au
Sai las rohangku ala ni Salelengni lelengna i

Ayat 5
Nunga disurat Debatangku Goarhu di bukuNa i
Paboa nunga hot jambarhu Na di banuaginjang i
Sai las rohangku ala ni Salelengni lelengna i
